Anou faire rallye

Avant mo commence mo l’article, anou presente bane figurants dans video ki l’express ine poster :

Sa video la ine faire 1 vraie buzz depi ki li fine poster lo facebook, alors nu bisin remercier sa dimoune la. Sans li, l’ampleur de sa cas la pas ti pu aussi enorme.

Policiers victime d’aggressions

Sa caporal la, c’est pas sel policier ki fine gagne batter. Boukoup lezot ine passe par sa.

Par exemple, imper l’annees de cela, mo loto ti involved dans 1 hit and run, kot 1 policier ti blesser kant p essaye arrete soffer lot machine la. Et lerla, ti met 1 case contre boug la akoz line blesse ene policier pendant so duty. Lire l’article la.

Seki sa solidarité montrer azordi, c’est aussi ki morisiens pas envie bane la gueles sales kouma sa bane kakes lik* la lo nu simer. Zot 1 danger publik et la polis bisin renforcit zot presence lo simer pu decourage bane rallye illegale. Imagine zot, si sa figir kakes f*sse la ti gagne accrochage r 1 membre publique, b longtemps li batte dimoune la, et consequence pas ti pu pareille. Li ti pu zis ene cas kouma lezot.

Aussi, nu membre publique

Recemment, ene nageur professionel ine passe par sa situation la pres r Jumbo Phoenix. Ene soffer van lecol ine aggresse li ziska disang couler. Malheuresement, pas ti ena videos pu temoigner et dimoune ine fini blier tout. [Lire lo 5Plus.]. Malheuresement, zot tous p nek focalise lo cas sa caporal goodlands la.

 

Rallye illegale fini lo pilone camera excess

Aussi, c’est pas premier fois ki p faire rallye illegal lo nu chemin. Mo encore rappel ene cas kot 1 motocyclette ti batte r bordure chemin et fine truv la mort parti Camp Chapelon, Pailles. C’etait 11 Janvier 2012.

Rallye illegale vs Motards la police

Et tres recemment, En juilliet 2017, ene adolescent accuse bane motards la police d’aggression kant sa bane derniers la ine barre zot la route akoz zot ti p faire rallye illegale lo Ring Road, Pailles. Article ici.

Responsabilités parents? Vo mieux pas kozer. Dans cas ring road, papa la dir, li ti p dormi kant so piti ine prend so moto.

Bane lezot ti bases seryer…

Et pas bisin to ene policier pu remarque bane rallyes illegales. Terre Rouge Verdun, Jin Fei, Bypass Triolet – Ironiquement, pas manque bon chemins dans moris… [Foto defimedia]

La loi?

Ki sentence maximale ki sa piti la cpv gagner? Mo pas truv personne ine koze sa ziska lere, meme pas la gazette. 1 mois prison? 2 mois? 6 mois? Sa montrer ki la loi pas severe ditout.

Update : Max Rs25000 l’amende et ziska 2 ans prison si charged under section 159 of Criminal Code : Assaulting a police officer in the lawful execution of his duty.

Nimporte ki sane la permette zot al attaque policiers kant zot senti zot en groupe.

Policiers, malgres zot uniformes, zot bisin subir bane consequences.

Sa bane pitis ki p faire l’actualités la, zot bien koner ki zot fine faire. Batte policier, al craze so lakaaz et lotos… Sa zis montrer 1 sel zaffaire. Zot pena leducation ki bisin. Sorry mo servi sa bane mots la, mais guet zot la guele fini truver ki zot pas eduquer…. [Photo]

Solutions?

  • Dans l’immediat, si vraiememe autorités ti decide met fin à bane pratiques similaires, zot nek ena pu poster zot unités dans sa bane lendroits la place avoye zot veille metro leger.
  • La piste rallye? Mais eski sa pu solve probleme la? Personnellement mo pas croire. Sa bane la piste la, c’est bane chauffers amateurs, bien equipées et en regles ki pu servi sa. Bane kakes lik*, kouma mone appelle zot, zot sirement pena meme license pu roule sa bane mobillettes modifiées la.
    Zot nissa, c’est zot envie roule vite entre zot lo simer, pas dans 1 la piste rallye.
  • Eski bane policiers suffisamment equippés pu gere bane cas koume sa? Et si sa vilain la guele la ti tire 1 fizi, ki policier la sipposer faire? Gallouper?
  • Faire la loi pli severe? Oui, li forme partie 1 moyen pu decourage bane kk lik*s faire rallyes mais li pas pu resoudre probleme la.

Bon, mo envie mentionne ene zaffaire. Kant ene dimoune ena 1 loto tuned avec so bane gros stickers etc, pas veut dir li gagne droit declare mari lo simin. Seki rappel, ene fois, ti ena ene rallye pu emission MBC Infozen, et kot ene machine avec numero J 2222 ti p prend li pu mari et kot bane motocyclettes ti p prend zot pu motard la polis et arrete loto au milieu simin  pu laisse rallye passer.

Education ! Education ! Education !

Sa ki manquer dans nu société… Nu system ena boukoup manquements.

Mo pas p denigrer tout dimounes mais parfois kant mo truv 1 soffer taxi, van ou camion p faire zig zag lo simin, p foncer pu rente devant moi, mo calmer mo meme par dir 1 sel pharse :

Si azordi to ti eduqué, to pas ti pu conduire 1 taxi, van ou camion!

Sorry encore 1 fois, mo pas p vise tout soffer van ou camions mais sa evite mwa desan pu al batte dimounes! Et sa solution la marser!

Mo croire poste la imper long, mais mo ti pu dir zot ki mo bien pisse r zot mais comme mo ena ene bon education, mo prefer dir li en anglais: f*ck you! 😛